На беразе тым

На белорусском языке

Слова - Сергей Законников
Музыка и исполнение - Николай Яцков


На беразе тым, што заўсёды мне сніцца,
Куды з ціхім жалем гляджу праз гады,
Я сеў на замшэлы валун ля крыніцы,
Паўнюткай, як вока, жывое вады.

П р ы п е ў  : І сонца, як мама, цалуе ў макушку,
І вецер, як тата, кудлачыць віхры.
А я моўчкі слухаю вешчую птушку –
Кувае зязюля ў далёкім бары.

Нічога яшчэ не набыў і не страціў,
Абмацваюць далеч і позірк, і слых.
А ў свеце, нібы перад святам у хаце,
Так чыста – ўрачыста, што стойвае дых.

П р ы п е ў .

Над берагам тым, што трава спавівае,
Аблокі Айчыны у вечнасць ляцяць.
Кувае зязюля мая баравая –
Заведзены Богам гадзіннік жыцця.

П р ы п е ў .