"Үрүҥ түүн үѳрүүтэ"

Үрүҥ түүн үѳрүүтэ
(Радость белой ночи)
Тимирхаан тыллара
Владимир Буслаев мелодията

Бүлүү эбэм кытыла,
Сардааналаах кырдала –
Силис тардар тѳрүт буор
Сылаанньытар сылааһа.
Сааһы кытта сиэттиһэн
Күнү кытта күлсэбин,
Ыйы кытта ыллаһан
Симэх оттуу тыллабын.

     Хос ырыата:

     Бүлүү эбэ уһуннун
     Үйэлэргэ уһуннук –
     Таптал уоттаах кутаата
     Уостубат дьылҕаланнын.

Бүлүү эбэм киэргэлэ,
Садын сирин симэҕэ,
Сүрэх кистэл иэйиитэ –
Сүлдьүкээрим кыысчаана,
Чуумпу киэһэ кытылга
Кѳрѳн үѳрдүм эйигин,
Кыымнаах мичээр бэлэхтээн
Мин сурэхпин аймаатыҥ.

Бүлүү эбэ кэрэтэ –
Үрүҥ түүнүн үгэнэ…
Сааскы кѳргѳ кыттыһа
Сэргэстэһэ хаамсыахха.
Саҥа тыллар сибэкки
Кэрэ ньуурун кэриэтэ –
Нарын – намчы бэйэҕин
Оргууй уураан ылларбын…